Lajme

Krizë demografike në Ballkanin Perëndimor

E martë, 4 Janar 2022 - 16:05 albinfo.ch
Keystone EPA/GEORGI LICOVSKI

Vendet e Ballkanit Perëndimor po përballen me një krizë emigracioni. Kjo është e dukshme në Maqedoninë e Veriut, nga të dhënat e Censusit.

Vendi me 2 milionë banorë është tkurrur me të paktën 10% që prej regjistrimit të popullsisë më 2002.

Ekonomia e dobët dhe mungesa e investimeve kanë dëmtuar keq vendin që feston 30-vjetorin e pavarësisë me 1.8 milionë banorë.

Pas ndarjes nga ish-Jugosllavia, maqedonasit shpresonin në integrimin e shpejtë në BE. Por, rruga e RMV është bllokuar vazhdimisht gjatë dekadave të fundit, fillimisht Greqia dhe tani Bullgaria.

Situata është edhe më e keqe në Shqipëri. Rreth 1.7 milionë banorë të saj kanë lënë vendin gjatë 3 dekadave të fundit, sipas të dhënave zyrtare.

Serbia gjithashtu po vuan nga emigracioni, pasi më shumë se 10 mijë doktorë kanë lënë vendin gjatë 20 vjetëve të fundit.

Në Bosnjë e Hercegovinë, 400 mijë banorë janë larguar nga vendi gjatë 8 vjetët e fundit.

 

 Të ngjashme

Kriza me punëtorë i kushton Zvicrës miliarda franga

 Të tjera nga Lajme

Shqiptari bëhet hero në plazhin italian, shpëton dy notarë nga mbytja

 E-Diaspora

 Jeta në Zvicër