Rekord, mbi 4 mijë të infektuar brenda 24 orëve në Kosovë

4 mijë e 397 raste të reja me COVID-19 janë regjistruar në 24 orët e fundit. Kaq shumë raste s’janë regjistruar asnjëherë që nga fillimi i pandemisë në Kosovë.

Këto raste janë konfirmuar pas testimit të mbi 16 mijë mostrave.

Raste të vdekjeve s’janë regjistruar, derisa janë shëruar 607 qytetarë.

“Nga 16.307 testime, 4.397 qytetarë kanë rezultuar pozitivë me virusin COVID-19. Gjatë 24 orëve të fundit nuk janë shënuar raste të vdekjes. Sot janë shëruar 607 qytetarë, derisa numri i përgjithshëm i të shëruarve është 162.333. Në total numri i rasteve aktive është 25.458”, ka njoftuar ministria.