Lajme

Zvicër: Cilat nisma federale fituan dhe cilat humbën

Këshilli Federal ka komentuar rezultatet e votimit në një konferencë për media, të mbajtur pak më parë, në të cilën kanë folur ministrat: Sommaruga, Mauer dhe Berset

E diel, 13 Shkurt 2022 - 18:00 albinfo.ch
Die Nationalraetinnen Jacqueline Badran, SP-ZH, Tamara Funiciello, SP-BE, und Barbara Gysi, SP-SG,vom Nein Komitee zur Abschaffung der Stempelsteuer, freuen sich ueber das Resultat, am Sonntag, 13. Februar 2022, in Bern. (KEYSTONE/Peter Schneider)

Pas numërimit të votave në të gjitha kantonet, rezultatet përfundimtare janë në dispozicion. Kështu, paketa mediatike, gjegjësisht për ndihmën shtetërore mediave ka humbur (54.6% Jo), iniciativa për ndalimin e eksperimentimit me kafshë ka humbur rëndë (79.1% Jo) ndërsa ligji për taksën e pullës (vulës) po ashtu ka humbur bindshëm (62.7% Jo).

Nga ana tjetër, Nisma për ndalimin e reklamimit të duhanit është pranuar me 56,6% vota pro.

Këshilli Federal ka komentuar rezultatet e votimit në një konferencë për media, të mbajtur pak më parë, transmeton albinfo.ch. Pakoja mediatike ndoshta ishte e mbingarkuar, ka deklaruar ministrja Simonetta Sommaruga duke arsyetuar humbjen e iniciativës përkatëse.

Iniciativa është refuzuar para së gjithash në Zvicrën gjermanishtfolëse. Për shumë njerëz, paketa ndoshta ishte e mbingarkuar. “U krijua edhe përshtypja se prej saj do të përfitonin veçanërisht botuesit e mëdhenj.

Sommaruga ka përfunduar duke thënë se mediat në Zvicër po bëjnë punë të rëndësishme – dhe se ato mbeten të rëndësishme për një demokraci funksionale.

 Të tjera nga Lajme

Çfarë i duhet Cyrihut për të qenë një qytet gjithëpërfshirës?

 E-Diaspora

 Jeta në Zvicër