Lajme
Edhe Moldavia aplikon për anëtarësim në BE
Presidentja e Moldavisë, Maia Sandu, nënshkroi një kërkesë zyrtare për anëtarësimin e vendit në Bashkimin Evropian, të enjten.
Me këtë veprim, Sandu përcaktoi kursin perëndimor të Moldavisë për ta përshpjetuar procesin e anëtarësimit në BE, duke marrë shkas nga pushtimi që Rusia po i bën Ukrainës fqinje, përcjell Albinfo.ch.
Lëvizja e Sandu vjen disa ditë pasi presidenti i Ukrainës Zelenskiy nënshkroi një kërkesë për anëtarësim të menjëhershëm të Ukrainës në BE, ndërsa vendi i tij po lufton me forcat pushtuese ruse, raporton Euronews.
Moska e kundërshton ashpër zgjerimin e BE-së në Lindje, dhe veçanërisht zgjerimin e NATO-s në Lindje, zgjerim të cilin e sheh si kërcënim të drejtpërdrejtë për sigurinë e saj kombëtare.
Sandu, kryeministri dhe kryetari i parlamentit moldav nënshkruan dokumentin gjatë një konference në kryeqytetin Kishinau, aty ku politikanët pro-rusë dhe ata pro-BE kanë luftuar për të marrë kontrollin e vendit që kur Moldavia fitoi pavarësinë nga Bashkimi Sovjetik, në 1991.
“Ne duam të jetojmë në paqe dhe prosperitet, të jemi pjesë e botës së lirë. Ndërsa disa vendime kërkojnë kohë, disa të tjera duhet të merren shpejt dhe me vendosmëri, dhe duke përfituar nga mundësitë që vijnë në një botë që është në ndryshim,” tha Sandu përpara se të nënshruante kërkesën.
Aplikimi i Moldavisë do të dërgohet në Bruksel në ditët në vijim, njoftoi ajo.
Negociatat për t’u bashkuar me BE – të cilat Moldavia dhe Kievi nuk i kanë nisur ende – zakonisht zgjasin shumë vite.
Udhëheqësit e BE-së pritet ta diskutojnë kërkesën e Ukrainës në një samit jozyrtar muajin e ardhshëm, thanë diplomatët.
E-Diaspora
-
ASK: Mbi 1.4 milionë qytetarë të regjistruar, mbi 400 mijë nga diaspora Procesi i regjistrimit të popullsisë në Kosovë pritet të përmbyllet më 17 maj. Sipas të dhënave...
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
Jeta në Zvicër
-
A mund të marr nënshtetësinë zvicerane dhe të lëviz menjëherë jashtë vendit? Shumica e njerëzve aplikojnë për natyralizim zviceran me synimin për të mbetur në vend. Por çfarë...
-
Trashëgimia në Zvicër: Ligjet e shtetit duhet të ndjekin shtetasit e dyfishtë?
-
Historia e Nemo-s që fitoi Eurovizion-in
-
Cili qytet në Zvicër ka më shumë gjasa të presë Eurovision 2025?
-
Shefi i Lufthansa-s: SWISS është “flamurtari” i grupit të linjës ajrore