Zvicra zyrtarisht bllokoi afro 6 miliardë franga asete ruse

Ky numër pritet të rritet, pasi zbulohen prona të reja.

Në një përditësim në lidhje me sanksionet zvicerane kundër oligarkëve dhe kompanive ruse, Erwin Bollinger, zëvendësambasador në Sekretariatin Shtetëror për Çështjet Ekonomike (SECO), tha se asetet e ngrira kanë një vlerë prej 5.7 miliardë frangash, njofton albinfo.ch.

Ky numër pritet të rritet, pasi zbulohen prona të reja.

Ndryshe nga vendet e tjera, qeveritë e të cilave po kërkojnë aktivisht për asetet ruse, Zvicra po mbështetet në kantonet, si dhe institucionet financiare, për të bërë një inventar të klientëve të tyre dhe për të deklaruar në SECO nëse ata menaxhojnë fondet e njerëzve, kundër të cilëve janë vendosur sanksione. /Albinfo.ch

---