20 franga do të rritet fatura e energjisë elektrike e familjeve zvicerane

Një familje me konsum vjetor prej 4500 kWh do të paguajë mesatarisht 70 franga.

Duke filluar nga viti i ardhshëm, fatura e energjisë elektrike e familjeve zvicerane do të rritet mesatarisht me 20 franga më shumë se sa është tani, njofton albinfo.ch.

Kostot më të larta shkaktohen nga “çmimet e rritura ndjeshëm në tregjet e energjisë elektrike”, sipas operatorit të rrjetit Swissgrid.

“Në vitin 2023, një familje me konsum vjetor prej 4500 kWh do të paguajë mesatarisht 70 franga për shërbimet e ofruara nga kompania kombëtare e rrjetit”, tha operatori i rrjetit.

“Kjo është e barabartë me rreth 8 për qind të kostos totale vjetore të energjisë elektrike të një familjeje. Kjo do të thotë se barra mesatare financiare për konsumatorët e energjisë elektrike për rrjetin e transmisionit zviceran do të rritet ndjeshëm në përgjithësi”, shtoi kompania. /Albinfo.ch

---