Duke festuar kulturën, historinë dhe trashëgiminë shqiptare në rrugën “Gjergj Kastrioti Skenderbeu”

Rruga “Gjergj Kastrioti Skënderbeu” në Nju Jork

 

Siç ka raportuar albinfo.ch ditë më parë, një rrugë në lagjen Bronks të Nju-Jorkut u emërtua me emrin e heroit kombëtar Gjergj Kastrioti Skënderbeu.

Kjo ceremoni mblodhi një numër të madh të pjesëtarëve të komunitetit shqiptaro-amerikan, të cilët festuan me këngë e valle.

Përveç emërtimit që mori rruga e re, një tjetër rrugë në Nju-Jork e mban emrin e veprimtarit të shquar shqiptar, Fan Noli.

Në tubim morën pjesë edhe zyrtarë të lartë amerikanë, si udhëheqësi i shumicës në Senat, Chuck Schumer, ligjvënësit Adriano Espalliat dhe Richie Torres, si dhe kryetari i Bashkisë së Nju-Jorkut, Eric Adams.

Ata shprehën vlerësimin e tyre për kontributin e vazhdueshëm të komunitetit shqiptaro-amerikan në Shtetet e Bashkuara.

---