Lajme
90 milionë njerëz të zhvendosur me dhunë në botë
Kriza e refugjatëve e shkaktuar nga lufta në Ukrainë ka rikthyer vëmendjen në vështirësitë me të cilat hasen njerëzit që detyrohen të zhvendosen nga vendi i tyre.
Miliona njerëz janë larguar nga lufta në Ukrainë, duke shtuar shifrat e fundit vjetore të publikuara nga OKB-ja. Në total, rreth 89.3 milionë njerëz konsiderohen të zhvendosur me forcë në gjithë planetin.
Pas vitesh stabiliteti relativ, shifra është rritur, madje në dekadën e fundit është dyfishuar.
Zyrtarisht në vitin 2021 numri i azilkërkuesve i kaloi katër milionë e gjysmë. Gjermania ishte vendi i BE-së që mori numrin më të madh të kërkesave për azil.
Turqia pret më shumë njerëz të zhvendosur me forcë se çdo vend tjetër, me më shumë se 3.8 milionë.
Në gjithë botën vetëm katër vende kanë pranuar pothuajse një të tretën e të gjithë refugjatëve. Lufta dhe persekutimi mbeten shkaku kryesor i shpërnguljeve.
Deri në pushtimin e Ukrainës, i cili nuk është përfshirë në këtë raport të fundit, konflikti i qëndrueshëm sirian ishte burimi kryesor i largimit nga luftimet.
Rreth dy të tretat e të gjithë refugjatëve vinin nga Siria, Afganistani, Sudani Jugut dhe Mianmari.
Raporti gjithashtu i kushton vëmendje të veçantë situatës në Venezuelë, të cilën UNHCR e kategorizon si “kriza e dytë më e madhe e zhvendosjes së jashtme në botë”, me rreth 6 milionë refugjatë dhe migrantë nga Venezuela./euronews
E-Diaspora
-
RTS: “Toka Brenda Meje” e Fisnik Maxville-it trajton traumën e Kosovës Filmi i parë artistik i Fisnik Maxville, “The Land Within”, tregon historinë e një kosovari të...
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Zvicër
-
RTS: “Toka Brenda Meje” e Fisnik Maxville-it trajton traumën e Kosovës Filmi i parë artistik i Fisnik Maxville, “The Land Within”, tregon historinë e një kosovari të...
-
122 politikanë, viktima të spiunazhit kinez, përfshirë zviceranët
-
Dritat veriore mbi qiellin zviceran
-
19-vjeçarja zvicerane bën një zbulim spektakular, nderohet me çmim special
-
Ja sa janë rritur fitimet e shefave të sigurimeve shëndetësore në Zvicër