Lajme
Teslas i mungon fuqia punëtore në Gjermani
Edhe pse shumë do të donin të punonin për Teslan, sindikata gjermane pretendon se pagat në kompanitë konkurruese janë rreth 20 për qind më të larta.
Kur Tesla filloi prodhimin e automjeteve të saj në Gigafactory Berlin të sapohapur këtë vit, ajo punësoi 3,000 njerëz dhe më pas u njoftua se do të punësonte mijëra punëtorë të rinj në muajt e ardhshëm.
Mirëpo, idetë e pronarit, Elon MUsk nuk po shkojnë sipas planit, ndaj në rrjet ka kohë që qarkullon informacione se Tesla ka probleme me punësimin në fabrikën e re.
Megjithatë, vetëm tani mësuam se paga e ulët është një nga arsyet e mungesës së fuqisë punëtore në fabrikën gjermane. Kështu pohojnë raportimet e fundit të mediave që janë transmetuar në Business Insider dhe të cilat bazohen në informacione nga sindikata më e madhe gjermane, IG Metall.
Sipas këtyre informacioneve, shumë punëtorë ishin të interesuar për një punë në Tesla dhe do të dëshironin të ndryshonin punën e tyre aktuale për të punuar në Gigafactory, por në fund ata hoqën dorë sepse do të vinin në një pozicion të ri pune ku paga e tyre do të ishte më e ulët.
Krahasuar me Tesla, paga për të njëjtën punë ose një punë të ngjashme me një nga prodhuesit konkurrues të veturave është rreth 20 për qind më e lartë, sipas sindikatës.
Punonjësit në fabrikën e Tesla-s në Berlin janë ankuar tashmë për problemet me pagat e sindikatave dhe përderisa u mungojnë punëtorët në Gjermani, mund të presim largime nga puna në fabrika të tjera./Reuters
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale