Lajme
Konferencë për rindërtimin e Ukrainës
Në Lugano të Zvicrës zhvillohet konferenca që do të përpilojë strategjitë për rindërtimin e Ukrainës, pavarësisht luftimeve që vazhdojnë. Por ajo nuk do të jetë një konferencë donatorësh.
Presidenti i Zvicrës, Ignazio Cassis hapi konferencën për rimëkëmbjen e Ukrainës (URC2022), të hënën, më 4 korrik 2022, së bashku me presidentin ukrainas, Volodymyr Zelenskyj, i cili ishte i lidhur nga Kievi (Kiev) dhe kryeministrin, Denys Schmyhal në Lugano për të diskutuar procesin e rindërtimit. Në fjalën e tij të hapjes, presidenti zviceran përshkroi qëllimet e URC2022.
Përfaqësues nga 40 vende të botës dhe organizata ndërkombëtare janë konsultuar këtë të hënë në Lugano të Zvicrës për rindërtimin e Ukrainës, pavarësisht vazhdimit të luftimeve.
Qeveria ukrainase për herë të parë ka prezantuar prioritetet e saj për procesin e rindërtimit. Presidenti, Volodymyr Zelensky ishte i pranishëm përmes mesazhit me video. Edhe presidentja e Komisionit Europian, Ursula von der Leyen dhe kryeministrat e Polonisë, Lituanisë dhe Çekisë ishin pjesëmarrës në konferencë.
Strategji për rindërtimin
Ky takim synon vetëm të përpilojë strategjitë për rindërtimin, që orientohen nga një plan Marshall, si plani amerikan që çoi në rindërtimin e Europës pas Luftës së Dytë Botërore. Pritet që rindërtimi i Ukrainës pas muajsh shkatërrimi të kushtojë disa qindra miliarda dollarë. E ngarkuara për konferencën, zvicerania Simone Pidoux u shpreh para konferencës se ky proces do të zgjasë “me vite, në mos dekada”. Por Ukraina do të konfrontohet në Lugano edhe me kërkesa për reforma të thella, veçanërisht në drejtim të korrupsionit të përhapur në vend.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Pse 1 Maji nuk është festë publike kudo në Zvicër? Dita Ndërkombëtare e Punëtorëve shënohet më 1 maj, por vetëm disa pjesë të Zvicrës e festojnë...
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër
-
Zvicër: Priten qira akoma më të shtrenjta gjatë vitit të ardhshëm