Bërnabiq: Dialogu duhet të jetë mbi Kushtetutën e Kosovës

Të kotë e konsideron dialogun Kosovë-Serbi, kryeministrja e Serbisë, Ana Bërnabiq, nëse ai kushtëzohet me Asociacionin e Komunave me shumicë serbe

Të kotë e konsideron dialogun Kosovë-Serbi kryeministrja e Serbisë, Ana Bërnabiq, nëse ai kushtëzohet me Asociacionin e Komunave me shumicë serbe. Ajo i bëri komentet duke i komentuar deklaratat e emisarit amerikan për Ballkanin, Gabriel Escobar, i cili tha se qëndrimi i SHBA-së është që Asociacioni s’duhet të jetë shtet brenda shtetit.

Sipas Bërnabiq, dialogu duhet të jetë mbi Kushtetutën e Kosovës.

“Nëse e vendosni atë në përputhje me ligjet e tyre, e bën të kotë të gjithë dialogun, nëse ata vetë nuk i respektojnë, dhe Prishtina nuk e respekton Kushtetutën e saj. Nëse e respekton, nuk do të kishte ushtri të Kosovës, sepse në atë Kushtetutë thuhet që duhen pyetur serbët, por nuk janë pyetur”, ka thënë ajo për mediat serbe, përcjell Albinfo.ch.

“Dje pata një takim me ambasadorin amerikan Christopher Hill, i thashë se shpresoj për një qasje konstruktive, nuk shoh se ka hapësirë për diskutim me Kurtin, ai s’ka asnjë dëshirë”, tha Bërnabiq.

Ajo tha po ashtu se shefi i diplomacisë së BE-së, Josep Borell, nuk po mund ta detyrojë Prishtinën për asgjë, edhe pse BE-ja është garantues i marrëveshjes së Brukselit./Albinfo.ch

---