Policia e Kosovës sulmohet në Liqenin e Ujmanit, nuk ka të lënduar

Policia ka thënë se nuk ka të lënduar nga të shtënat, që sipas raportit, ishin rreth 10 gjuajtje me armë zjarri.

Policia e Kosovës ka njoftuar se sot është sulmuar me armë zjarri në Liqenin e Ujmanit, derisa ishte duke vendosur një barkë patrulluese në këtë zonë, raporton Albinfo.ch.

Në njoftimin e saj Policia ka thënë se nuk ka të lënduar nga të shtënat, që sipas raportit, ishin rreth 10 gjuajtje me armë zjarri.

“Njësia policore ka njoftuar se në drejtim të tyre ka pasur të shtëna me armë. Kanë qenë afërsisht 10 të shtëna me armë zjarri. Të shtënat kanë qenë të njëpasnjëshme, nga pjesa tjetër e liqenit dhe kanë goditur afër barkës së policisë. Nga këto të shtëna nuk ka persona të lënduar”, ka njoftuar Policia e Kosovës./Albinfo.ch

---