Lajme

Macron miraton anëtarësimin e Suedisë dhe Finlandës në NATO  

E diel, 14 Gusht 2022 - 16:00 albinfo.ch
EPA/SEBASTIEN NOGIER

Presidenti francez, Emmanuel Macron, nënshkroi protokollin e ratifikimit për anëtarësimin e Suedisë dhe Finlandës në NATO, njoftoi pallati Elysee.

Më herët, Parlamenti francez kishte miratuar pranimin e dy vendeve nordike në aleancën e mbrojtjes.

Suedia dhe Finlanda kanë qenë partnerë të NATO-s për një kohë të gjatë, por qëndruan larg anëtarësimit të plotë për dekada.

Pas pushtimit rus të Ukrainës në shkurt, ato ndryshuan kurs.

Përpara se protokollet e anëtarësimit të hyjnë në fuqi, ato duhet të ratifikohen nga të 30 vendet anëtare të NATO-s.

Gjermania dhe shumë shtete të tjera kanë dhënë tashmë miratimin e tyre.

 

 Të tjera nga Lajme

Studim: Tenisi, sporti për një jetë më të gjatë

 E-Diaspora

 Jeta në Zvicër