Austriaku që për dy muaj eci mbi 800 kilometra në Shqipëri, flet për përshtypjet e tij

Në mesin e 26 mijë kilometrave të cilat i ka përshkruar këmbë nëpër botë, ai këtë vit ka përzgjedhur edhe hartën e Shqipërisë

Mijëra turistë nga e gjithë bota kanë vizituar këtë vit Shqipërinë. Por në mesin e tyre, një ka qenë me karakteristika të veçanta.

Austriaku Thair Abud, i cili njihet për shëtitjet e tij nëpër botë, si aventurë të cilën e ka nisur nga viti 2018, këtë verë ka arritur në Shqipëri. Ai ka përshkruar një distancë prej 2 mijë kilometrash derisa vetëm në Shqipëri ka shëtitur 818 kilometra, transmeton Albinfo.ch.

Më 13 qershor ai ka arritur në Shqipëri përmes kufirit me Malin e Zi teksa ka përshkruar jugun e Shqipërisë duke kaluar nga Tirana, Fieri, Berati, Gjirokastra e deri tek Butrinti për të vazhduar tutje në Greqi.

Abud deklaroi se gjatë qëndrimi 2 mujor në Shqipëri krijoi përshtypje të mrekullueshme.

“Pata 2 muaj të mrekullueshëm në Shqipëri”, u shpreh ai, përcjell Albinfo.ch.

Aventurën e tij të ecjeve austriaku e nisi në vitin 2012, vit ky kur ai tha se e la edhe pirjen e duhanit.

 

 

---