Pse Zvicra i pagoi Bashkimit Evropian 1.1 miliardë franga

 

Zvicra sapo i ka paguar Bashkimit Evropian edhe 1.1 miliardë franga të tjera, si pjesë e të ashtuquajturës “pagesë kohezioni”. Por për çfarë janë paratë dhe ku shkojnë?

Zvicra konfirmoi të mërkurën se po u dorëzonte 1.1 miliardë franga tetë shteteve të BE-së si pjesë e “pagesës së kohezionit” më të fundit.

Tetë shtetet që do të përfitojnë nga paratë janë: Bullgaria, Kroacia, Qiproja, Estonia, Hungaria, Malta, Rumania dhe Polonia.

Për çfarë janë paratë?

Në thelb pagesa do të financojë një sërë projektesh në ato vende deri në vitin 2029.

“Fondet do të përdoren në shtetet e përzgjedhura të BE-së për programe dhe projekte specifike, të cilat duhet të bashkëfinancohen edhe nga vendi partner. Përveç kësaj, vendet partnere mund të zgjedhin programe dhe projekte nga një sërë fushash tematike të zgjedhura nga Zvicra në përputhje me strategjitë e tyre kombëtare”, thuhet në një njoftim për shtyp nga qeveria zvicerane.

“Kredia e kornizës së kohezionit do të përdoret për të mbështetur gjithsej 13 shtete anëtare të BE-së. Pesë marrëveshjet e mbetura të zbatimit janë aktualisht duke u negociuar”, tha qeveria.

 

 

 

 

 

 

---