Masa konkrete për të forcuar furnizimin me energji të Zvicrës

(KEYSTONE/Walter Bieri)

Meqenëse Zvicrës i mungojnë pajisjet e veta të magazinimit të gazit dhe mungesa e energjisë po afrohet, Këshilli Federal ka nënshkruar një kontratë të parë për blerjen e termocentraleve rezervë të lëvizshëm, përcjell albinfo.ch.

Deri më tani janë blerë tetë turbina me gaz modulare dhe të lëvizshme.

“Ato punojnë me gaz, por edhe me naftë ose hidrogjen”, sipas Ministrisë së Energjisë, dhe “secila nga tetë turbinat ka një fuqi prej të paktën 30 megavatë, për një total prej rreth 250 megavatë”.

Ministria shtoi se “negociatat janë në vazhdim” për të blerë më shumë turbina të lëvizshme me gaz përpara dimrit. /Albinfo.ch