Po ecte rrugës, përplaset nga makina, humb jetën mërgimtari

@pixabay

Raportohet se një 57-vjeçar shqiptar humbi tragjikisht jetën të shtunën në Novara të Italisë, përcjell albinfo.ch.

N.B derisa po ecte në rrugë, u përplas nga një makinë që e hodhi disa metra nga goditja.

Mediat italiane shkruajnë se 57-vjeçari jetonte prej vitesh në këtë qytet bashkë me familjen dhe punonte në një ndërmarrje si mekanik. Nga lëndimet e marura shqiptari humbi jetën në vend e ngjarjes, për shkak të goditjes së fortë.

Në timonin e makinës mësohet se ishte një 49-vjeçar nga Trecate. Ai u ndalua nga policia dhe iu nënshtrua testit të alkoolit dhe drogës. Hetimet për ngjarjen e rëndë vijojnë.