Keller-Sutter: Zvicra, e gatshme të presë deri në 120.000 refugjatë

Kjo është një shifër shumë realiste - tani që lufta po zgjat dhe madje po përkeqësohet dhe temperaturat po bien në të njëjtën kohë

Deri në fund të vitit, 120,000 njerëz nga Ukraina mund të kërkojnë mbrojtje nga lufta në Zvicër. Dhe, Zvicra është e përgatitur për t`ua ofruar këtë, thotë ministrja federale Karin Keller-Sutter në “Samstag Rundschau” (lajmet e së shtunës) të transmetuar nga Radio SRF.

Kjo është një shifër shumë realiste – tani që lufta po zgjat dhe madje po përkeqësohet dhe temperaturat po bien në të njëjtën kohë. Megjithatë, ky është numri që është përdorur gjithmonë si skenar nëse të gjitha kushtet përkeqësohen, transmeton albinfo.ch.

Kantonet, komunat dhe qeveria federale do të punojnë shumë ngushtë së bashku. Stafi special për azil shkëmben informacione në mënyrë të vazhdueshme. Megjithatë, nëse numri i refugjatëve dyfishohet, si strehim në të ardhmenmund të shërbejnëedhe  shumë gjimnaze ose objekte të mbrojtjes civile.

Sipas ministres Keller-Sutter, refugjatët nga Ukraina që kërkojnë mbrojtje mund të kthehen në atdheun e tyre vetëm kur situata e sigurisë është “stabile”, transmeton albinfoch. “Unë mendoj se duhet të ketë një armëpushim si minimum” për tu plotësuar ky kusht.

---