A do të transferohet Ronaldo tek Bayern Munchen?

Bayern Munchen nuk do të nënshkruajë një kontratë me Cristiano Ronaldon. Drejtori i klubit gjerman, Oliver Kahn ka hedhur sërish poshtë mundësinë që portugezi të transferohet në Gjermani.

Ai u shpreh se Bayern ka një strategji dhe filozofi të ndryshme, me të cilë 37-vjeçari nuk do të mund të përshtatej.

“Mund të përjashtoj një lëvizje për Ronaldon. E kemi marrë parasysh, të gjithë e duam Ronaldon, por strategjia është e ndryshme. Ne kemi një ide të qartë, filozofinë se si duhet të bashkohet skuadra jonë”, ishte përgjigjja e Kahn, publikuar nga gazetari sportiv, Fabrizio Romano në Twitter.