“Krishtlindja, magjia e lindjes së jetës”, urimi i Ramës për të gjithë besimtarët e krishterë

Sot besimtarët e krishterë në mbarë botën festojnë Krishtlindjen.

Me rastin e kësaj feste, kryeministri Edi Rama ua ka uruar besimtarëve shqiptarë Krishtlindjen.

Nëpërmjet një postimi në Facebook, Rama ka publikuar një video me fëmijët që janë lindur gjatë mbrëmjes së shenjtë të Krishtlindjes.

“Mirëmëngjesi dhe me magjinë e lindjes së jetës, ju uroj një ditë të bukur Krishtlindjeje”, shkruan Rama.

Mëngjesin e sotëm besimtarët katolikë janë mbledhur në Kishën “Ngjalla e Krishtit” për të kremtuar ditën e Lindjes së Krishtit./abcnews.al