Me pasaportën zvicerane keni të drejtë t’i vizitoni 186 shtete pa viza

Pasaporta zvicerane ndër më të mirat në botë

Albinfo.ch dje ka shkruar për pasaportat më të vlefshme në botë.

Nga 109 vendet e anketuara, pasaporta e Zvicrës renditet në vendin e shtatë për sa i përket numrit të destinacioneve ndërkombëtare që mund të aksesohen pa vizë.

Ky është rezultati i një renditjeje vjetore të publikuar të mërkurën nga Henley & Partners, një firmë konsulente për çështjet e shtetësisë, e cila bazohet në të dhënat nga Shoqata Ndërkombëtare e Transportit Ajror (IATA).

Pasaporta zvicerane u jep të drejtën mbajtësve të saj që të hyjnë pa vizë në 186 nga 227 vende – i njëjti numër me pasaportat nga Belgjika, Norvegjia, Zelanda e Re dhe Shtetet e Bashkuara.

Në krye të renditjes është pasaporta japoneze, e cila lejon hyrjen pa viza në 193 vende.

---