Kjo javë parashikohet me borë në Zvicër

(KEYSTONE/Jean-Christophe Bott)

Këtë javë temperaturat në Zvicër do të pësojnë rënie të ndjeshme dhe do të ketë shumë dëborë të freskët në zonat malore, përcjell albinfo.ch.

Dimri do të bëjë një rikthim mbresëlënës në Zvicër. Një front i ftohtë do ta godasë Zvicrën mëngjesin e së dielës. Moti është i vranët, i lagësht dhe me erë. Dëbora do të bie fillimisht nga rreth 1 800 metra, në mbrëmje nga 600 deri në 800 metra, shkruan Meteonews.

Metorologët parashikojnë se të martën do të ketë reshje dëbore, sidomos në Zvicrën perëndimore dhe jugore, ndërsa në rajonet e mbetura do të mbetet e thatë gjatë ditës.