SHBA: Sërish të shtëna, 3 të vrarë e 4 të plagosur në Los Angeles

Të paktën tre persona u vranë dhe katër u plagosën pas të shtënave në një lagje të pasur në zonën e Benedict Canyon të Los Angelesit, thanë autoritetet.

”Tre persona u vranë brenda një automjeti në rrugë dhe katër u plagosën jashtë”, tha një burim i zbatimit të ligjit për ”Los Angeles Times”.

I dyshuari ose të dyshuarit janë ende në arrati.

Dëshmitarë të ndryshëm thanë  se kishin parë disa makina që po largoheshin nga vendi i të shtënave brenda disa minutave.

Policia tha se të plagosurit u dërguan në spitalet lokale, ku dy prej tyre janë në gjendje kritike dhe dy janë në gjendje të qëndrueshme.

Të shtënat vijnë vetëm një javë pasi 11 persona u qëlluan për vdekje pas të shtënave masive në Monterey Park.

Tre ditë pas kësaj, një person i armatosur vrau shtatë persona në dy ferma në Half Moon Bay