Studiuesit zbulojnë shkakun që çon në lodhje kronike te rastet post-Covid

Pixabay - fernando zhiminaicela

Zbulohet shkaku që çon në lodhjen kronike ose rraskapitjen e lidhur me Covid-in e gjatë, i cili prek 1 në 3 persona.

Sipas studiuesve ai shkaktohet nga një mungesë e argininës, një aminoacid i prodhuar natyrshëm nga trupi.

Këtë e demonstron një studim mbi Covid-in e gjatë i kryer nga Fondacioni Poliklinik Universitar Agostino Gemelli IRCCS – Kampusi Universitar Katolik i Romës, sipas të cilit lodhja kronike e sindromës post-Covid lidhet pikërisht me një ndryshim në metabolizmin e argininës.

Aktualisht, në mungesë të qasjeve terapeutike të disponueshme në shkallë të gjerë kundër Covid-it të gjatë, rivendosja e niveleve të argininës, thonë studiuesit, ”mund të përfaqësojë një strategji të re integruese efektive kundër lodhjes kronike”, transmeton ansa, përcjell albinfo.ch.

Lodhja, një nga simptomat kryesore dhe më të përhapura të Covid-it të gjatë, mbi të cilën po punon komuniteti shkencor i Shoqatës Italiane të Gerontologjisë dhe Geriatrisë (SIGG), mund të mos ketë më asnjë sekret.

Procesi i ndryshimit biomolekular që qëndron në themel të lodhjes ekstreme të lidhur me sindromën post-Covid përshkruhet për herë të parë dhe rezultatet e studimit janë publikuar në Revistën Ndërkombëtare të Shkencave Molekulare.

Në fakt, sipas vlerësimeve të Organizatës Botërore të Shëndetësisë, do të kishte 65 milionë në botë dhe 17 milionë në Europë njerëz që luftojnë tani me koronavirusin.