Lajme
Arrestohet një shqiptar në aeroportin e Vjenës, dyshohet për diler droge
I arrestuari pritet të ekstradohet nga Vjena drejt Italisë
Pas një hetimi të gjatë, karabinierët e qytetit Fermo në rajonin qendror të Italisë, Marke, arritën të arrestonin një 40-vjeçar shqiptar në aeroportin e Vjenës, i cili ishte dënuar më parë për vepra të ndryshme të lidhura me drogën, raporton albinfo.at.
Shqiptari, i cili ishte në kërkim ndërkombëtar, i shpëtoi arrestimit në dhjetor 2015 dhe që atëherë ka qenë në arrati. Ai u arrestua pasi zbriti në aeroportin Schwechat të Vjenës, thuhet në një njoftim të policisë italiane. Hetimet në Itali zbuluan se shqiptari kishte ndryshuar identitetin e tij, duke marrë letra false dhe kishte gjetur strehim fillimisht në qytetin spanjoll të Granadës dhe më pas në Shqipëri. Kohët e fundit, shqiptari kishte udhëtuar vazhdimisht për në Austri, shkruan nachrichten.at, përcjell albinfo.at.
Prokurori publik i Firences, përgjegjës për hetimin, lëshoi një urdhër arresti evropian. Pasi shqiptari kishte rezervuar një fluturim për në Vjenë, është vënë në alarm policia kufitare austriake. Pas zbritjes në aeroport, shqiptari u arrestua. Karabinierët nuk kanë bërë të ditur saktësisht se kur ka ndodhur arrestimi. I arrestuari pritet të ekstradohet nga Vjena drejt Italisë. Në Itali ai do të vuajë dënimin me tre vjet e dy muaj për shitje droge.
Të tjera nga Lajme
E-Diaspora
-
Paraqitet si kroat, me pasaportë false – burgoset muratori nga Kosova Prokuroria publike e Schwyz-it dënoi kosovarin për hyrje të paligjshme, qëndrim të paautorizuar dhe punë pa...
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
Jeta në Zvicër
-
Paraqitet si kroat, me pasaportë false – burgoset muratori nga Kosova Prokuroria publike e Schwyz-it dënoi kosovarin për hyrje të paligjshme, qëndrim të paautorizuar dhe punë pa...
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
300 zviceranë të bllokuar në Kaledoninë e Re pas shpërthimit të trazirave
-
Shtim i rasteve të sulmeve ndaj infermierëve në Zvicër