BE-ja kritikon shtetet që e ndaluan importin e grurit nga Ukraina

Pixabay: Ilustrim

Pasi Polonia dhe Hungaria morën vendimin për të mos blerë më grurë nga Ukraina, kritikat kanë shkuan në drejtim të tyre. Veprimet e njëanshme tregtare nga shtetet anëtare të Bashkimit Evropian janë të papranueshme, tha të dielën një zëdhënës i Komisionit Evropian, shkruan Zëri i Amerikës.

Polonia dhe Hungaria njoftuan se deri te ky vendim erdhi për të mbrojtur sektorin e tyre bujqësor, përcjell albinfo.ch.

Në Poloni, situata është kthyer në një problem politik për partinë nacionaliste në pushtet “Ligji dhe Drejtësia” në këtë vit zgjedhor. Çështja e drithërave ka zemëruar banorët në zonat rurale, ku mbështetja për këtë parti është zakonisht e lartë. Ndërkohë në Bullgari, ministri i Bujqësisë, Javor Geçev, tha se vendi po shqyrtonte gjithashtu mundësinë e ndalimit të importit të drithërave nga Ukraina, njoftoi të dielën agjencia lokale BTA, shkruan Zëri i Amerikës.

Ukraina kërkoi bisedime dhe, sipas mediave ukrainase, një takim do të ndodhë të hënën në Poloni.

Vendimi i Polonisë është i vlefshëm deri më 30 qershor. Rreth 3 milionë tonë drithëra janë eksportuar nga Ukraina çdo muaj përmes korridorit të caktuar në Detit të Zi, ndërsa deri në 200,000 tonë po lëviz në portet evropiane përmes territorit polak, sipas ministrisë ukrainase, përcjell albinfo.ch.