Lajme
Komuniteti mysliman shqiptar në Zvicër uron festën e Fitër Bajramit!
Muaji Ramazan mbaroi, por pas tij fillon një jetë e re. Me anë të angazhimit tonë në Ramazan, treguam edhe njëhërë se mund të arrijmë çdo synim që nxjerrim përpara vetes, dhe kjo arrihet, atëherë kur kontrollojmë vetveten, dobësitë dhe të metat tona, si dhe kur në rrugën tonë të jetës ecim me dritën dhe me fuqinë e besimit.
Sot është Bajram dhe po shënojmë një festë të madhe dhe një gëzim të veçantë. Bajrami ynë, ose kjo ditë feste, është dita më e bukur dhe më e gëzueshmja në traditën tonë muslimane.
Të respektuar vëllezër e motra!
Me rastin e festës së madhe të Fitër Bajramit, urimin tonë, urimin e Kryesisë së Komunitetit Musliman Shqiptar në Zvicër, e përcjellim, në radhë të parë te muslimanët në Zvicër, te xhematet dhe familjet tona, pastaj te të gjithë ata myslimanë që jetojnë dhe veprojnë në shtetet fqinje, për myslimanët tanë shqiptarë në vendlindjet tona dhe për myslimanët në mbarë botën!
Lumturinë dhe gëzimin tonë le ta ndajmë edhe me të tjerët, me fqinjët dhe bashkëpunëtorët tanë! Le të bëhemi uratë dhe bekim për njëri-tjetrin në këto ditë festive bajrami! Mirësinë që e fituam në muajin e bekuar të Ramazanit le ta shpërndajmë me çdokënd që takohemi dhe me secilin që kontaktojmë.
Zoti ynë, begatoje gjendjen tonë, ashtu që të jetojmë në paqe dhe në dashuri!
Urime dhe me fat ju qoftë festa e Fitër – Bajramit!
Hfz. Mehas Alija
Kryetar i KMSHZ
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)