Young Boys, kampion i Zvicrës: Festojnë Donat Rrudhani dhe Kastriot Imeri

Skuadra berneze është shpallur kampion i Zvicrës për herë të 16-të

Young Boys është sërish kampion i Zvicrës. Skuadra berneze u shpall kampion, pasi edicionin e kaluar u shpall Zurich, pas katër trofeve radhazi nga YB, shkruan albinfo.ch.

Fitorja e fundit 5:1 ndaj Lucernit, bëri që të festojnë pesë xhiro pa përfunduar Superliga zvicerane, pasi kanë 18 pikë më shumë se vendi i dytë, që mbahet nga Lugano me 46 pikë.

Pjesë e rëndësishme të Young Boys këtë edicion, kanë qenë edhe dy futbollistë shqiptarë: Donat Rrudhani që luan për Kosovën dhe Kastriot Imeri që luan për Zvicrën.

Rrudhani 24-vjeçar dhe Imeri si 22-vjeçar shihen si lojtarë me të ardhme të ndritur.

---