Skuadra shqiptare përballë kampionit të Zvicrës

Iliria Solothurn do të përballet me Young Boys në Kupën e Zvicrës

Young Boys para disa ditësh mundi Manchester Unitedin e Cristiano Ronaldos, ndërsa sot do të përballet me Iliria Solothurn.

Ndeshja zhvillohet nga ora 16:00, në kuadër të Kupës së Zvicrës, rrethi i dytë, shkruan albinfo.ch.

Kjo është një sfidë historike për skuadrën shqiptare, që për herë të parë do të përballet me kampionin e Zvicrës dhe skuadër që ka dominuar në vitet e fundit në futbollin zviceran.

Takimi është shumë i vështirë, megjithatë është një sukses për skuadrën shqiptare që ka arritur në këtë fazë.

Iliria Solothurn ka nevojë për përkrahjen e tifozëve, gjithmonë duke respektuar rregullat e anti Covid të shpallura nga Qeveria Zvicerane.

---