12 shtatori, Festa e re në pritje Zvicër që do të kushtojë shumë

pixabay

Këshilli Kombëtar ka nisur një mocion për ta kthyer në festë zyrtare ditën kur u nënshkrua kushtetuta e parë federale, përcjellë albinfo.ch.

Sipas mocionit kërkohet që 12 shtatori të kujtojë këtë datë të vitit 1848, kur u prezantua për herë të parë Kushtetuta Federale moderne dhe ka kaluar ne Këshillin Kombëtarë javën e kaluar.

12 shtatori shpallet festë zyrtare nëse ky mocion merr mbështetjen e Këshillit të Shteteve. Ky miratim do të kthente po ashtu 12 shtatorin në ditë pushimi, shkruan 20 minuten.

NZZ ka llogaritur se sa e shtrenjtë do të jetë një festë e tillë.

Restorantet, kinematë ose hekurudhat malore mund të përfitojnë nga një pushim shtesë. Sepse më pak kohë pune do të thotë më shumë kohë e lirë. Megjithatë, tregtia me pakicë nuk do të përfitonte, pasi ka një ndalim të gjerë për hapjen e dyqaneve të dielave dhe festave publike.

Sipas NZZ-së, orët e punës reduktohen deri në 0.5 për qind sipas “llogaritjes së librezës së qumështit” për punonjësit që punojnë me kohë të plotë.

Duke supozuar se prodhimi ekonomik është rreth 800 miliardë franga në vit, kjo rezulton në një humbje deri në katër miliardë franga, përcjellë albinfo.ch.

Meqenëse festa e re publike do të binte vetëm në një ditë pune “të vërtetë” pesë nga shtatë vjet, kostot vjetore do të ishin mesatarisht rreth 600 milionë franga për një periudhë afatgjatë.