Donald Trump shpallet fajtor për abuzim seksual

Keystone (AP Photo/Paul Sancya)

Gjykata në Shtetet e Bashkuara të Amerikës e ka shpallur fajtor ish-presidentin amerikan, Donald Trump, për abuzim seksual.

Gjykata i ka caktuar si dënim dëmshpërblimin me 5 milionë dollarë të Elisabeth Karol, shkrimtares që e akuzoi para autoriteteve, raporton euronews, përcjell Albinfo.ch.

Tre milionë dollarë do të paguhen pasi Trump e akuzoi shkrimtaren se po shpifte, ndërsa 2 milionë dollarë do të paguhen për sulmin seksual që ka ndodhur në vitin 1990. Dënimi me burg nuk ishte i diskutueshëm, sepse nuk bëhej fjalë për një çështje penale.

“Jam këtu pasi Donald Trump-i më përdhunoi, dhe kur shkruajta për këtë, ai tha se nuk ka ndodhur. Ai gënjeu dhe dëmtoi reputacionin tim dhe unë jam këtu që të përpiqem të rifitoj jetën time”, u tha Carroll anëtarëve të jurisë gjyqësore në momentin e denoncimit.

Kjo është hera e parë që një president amerikan është shpallur përgjegjës për sulme seksuale./Albinfo.ch