Lajme
Vdes ish-kryeministri i Italisë, Silvio Berlusconi
Ish-kryeministri italian, Silvio Berlusconi, ka vdekur në moshën 86-vjeçare, konfirmon agjencia e lajmeve në Itali, Ansa.
Ai vdiq në spitalin San Raffaele në Milano, ku kishte kaluar gjashtë javë këtë pranverë, duke iu nënshtruar trajtimit për një infeksion të mushkërive të lidhur me një leukemi kronike mielomonocitare, përcjell albinfo.ch.
Berlusconi ishte një nga politikanët më të shquar të Italisë, duke bërë një rikthim politik më 2017, pavarësisht karrierës së njollosur nga skandalet seksuale, akuzat e panumërta për korrupsion dhe një dënim për mashtrim tatimor, shkruan The Guardian.
Ai gjithashtu kishte në pronësi klubin e futbollit AC Milan midis 1986 dhe 2017.
Berlusconi ishte kryeministri i parë që u zgjodh pa pasur më parë një zyrë qeveritare dhe mandati i tij i dytë në detyrë, midis 2001 dhe 2006, është më i gjati i shërbyer nga ndonjë lider italian. Ai u kthye në pushtet në vitin 2008, por u detyrua të jepte dorëheqjen në vitin 2011 mes një krize akute borxhi.
Berlusconi u dënua për mashtrim fiskal në fund të vitit 2012, për të cilin ai kreu dënimin e tij njëvjeçar duke bërë shërbime komunitare me kohë të pjesshme në një shtëpi rezidenciale në Milano.
Ndalimi i tij për të kandiduar për postin u hoq në kohë për zgjedhjet e përgjithshme më 2018, kur Forza Italia konkurroi në koalicion me Ligën dhe Vëllezërit e Italisë, por nuk arriti 40% të kërkuar për të qeverisur, shkruan The Guardian.
Në vitin 2019, Berlusconi fitoi një vend në Parlamentin Evropian dhe në zgjedhjet e përgjithshme në tetor 2022, partia e tij u kthye në pushtet në një koalicion të udhëhequr nga Vëllezërit e Italisë së Giorgia Melonit, përcjell albinfo.ch.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Zvicër
-
A do të largohet selia e FIFA-s nga Zvicra? Të premten organi qeverisës ndërkombëtar i futbollit hodhi themelet formale për një largim teorik nga selia...
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?
-
Katër mërgimtarët që udhëtuan nga Zvicra në Strugë me biçikletë