OKB paralajmëron temperatura edhe më të larta

@pixabay

“Bota duhet të përgatitet për valë të të nxehtit gjithnjë e më intensive”, tha Organizata Botërore Meteorologjike e OKB-së (WMO).

Kjo pasi pjesa më e madhe e hemisferës veriore do të jetë nën temperaturat në rritje.

“Këto ngjarje do të vazhdojnë të rriten në intensitet dhe bota duhet të përgatitet për valë më intensive të të nxehtit”, tha John Nairn, një këshilltar i lartë i nxehtësisë ekstreme në WMO, shkruan DW.

Ai është pyetur për lidhjen midis valës aktuale të të nxehtit dhe ndryshimit të klimës.

“Këto nuk janë sistemet tuaja normale të motit të së kaluarës”, u shpreh ai, përcjell albinfo.ch.

Vala e të nxehtit pritet të intensifikohet këtë javë, duke shkaktuar rritje të temperaturave gjatë natës.

Temperaturat mund të çojnë në një rrezik të shtuar të sulmit në zemër dhe vdekjes, paralajmëroi OKB.

“Ndërsa pjesa më e madhe e vëmendjes përqendrohet në temperaturat maksimale të ditës, janë temperaturat gjatë natës ato që kanë rreziqet më të mëdha shëndetësore, veçanërisht për popullatat e cenueshme”, u tha në deklaratë, shkruan DW.