Kosova
ARD: Kosova – plagë të vjetra, perspektiva të reja
Kosova ka nevojë për investime. Por kush investon në një treg prej dy milionë banorësh dhe me status të paqartë? Megjithatë, aty ka edhe disa histori suksesi...
“Qytetet e lulëzuara, minaret dhe manastiret ortodokse në mes të një peizazhi piktoresk dhe profesionistë të rinj e të kualifikuar mirë”: Në Kosovë, me këto pamje dhe argumente po joshen turistët dhe investitorët, 15 vjet pas pavarësisë dhe 24 vjet pas përfundimit të luftës. Kështu shkruan televizioni publik gjerman ARD në prezantimin e dokumentarit të tij me titullin “Kosova – plagë të vjetra, perspektiva të reja”, që është emetuar këto ditë.
Por, kjo pamje turbullohet nga tensionet që ekzistojnë ende mes shqiptarëve dhe serbëve, transmeton albinfo.ch. 24 vjet pas ndërhyrjes së NATO-s, misioni ndërkombëtar i KFOR-it është ende garantues i sigurisë dhe stabilitetit në vend, pavarësisht niveleve të reduktuara të trupave.
Përditshmëria është e vështirë për shumicën në Kosovë, si për shqiptarët, ashtu dhe për serbët. Një e treta e popullsisë është e papunë. Ekonomia varet nga ajo që sjellin organizatat ndërkombëtare të ndihmës dhe nga remitencat e “gastarbajterëve”, mërgimtarëve që punojnë jashtë vendit.
Kosova ka nevojë për investime. Por, kush investon kur tregu ka një popullsi prej pak më pak se dy milionë banorë dhe statusi politik është i paqartë? Serbia ende nuk e njeh pavarësinë e Kosovës.
Por, vazhdon televizioni gjerman, në Kosovë ka edhe histori suksesi. Ndër to numëron Kooperativën e grave fshatare të udhëhequr nga Fahrije Hoti në fshatin Krushë, e cila u bë e njohur me emrin pikëllues “Të vejat e Krushës” në vitin 1999.
Ndër historitë e suksesit numërohet edhe Eko-turizmi në Parkun Kombëtar Sharr, me anë të të cilit synohet të sigurohen të ardhura të qëndrueshme për banorët e Kosovës juglindore, përcjell albinfo.ch. Ndërsa një rrëfim personal suksesi është ai i artistit Vigan Nimani, i cili ka arritur të realizojë ëndrrat e tij personale.
Të ngjashme
Të tjera nga Kosova
E-Diaspora
-
Osmani: Shqiptarët e Amerikës, ura më e fuqishme e aleancës Kosovë-SHBA Në kuadër të qëndrimit të saj në Teksas të SHBA-së, presidentja e Kosovës, Vjosa Osmani, ka...
-
Besa Kokëdhima ndez skenën e Eurovision-it në Malmo të Suedisë
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë
-
Integrimi: Hapi i parë, si ta thyejmë izolimin
Jeta në Zvicër
-
Nemo performoi për Zvicrën në Eurovision 25-vjeçari zviceran Nemo performoi në skenën e Eurovisionit në Malmo të Suedisë, duke përfaqësuar Zvicrën me...
-
A mund të bëhen gratë pjesë e Gardës Zvicerane?
-
Fushata kundër ligjit për energjinë elektrike: Dhurohen 180,000 franga në mënyrë anonime
-
Rezervime të vështira dhe përpikëri të pasigurt, treni i natës nuk përmbush pritshmëritë
-
A do të vizitohet Zvicra nga “Shenjtorët e Akullit” këtë vit?