Votimi i diasporës shqiptare në zgjedhjet në Shqipëri ende në udhëkryq

Votimi i qytetarëve shqiptarë me të drejtë vote nga jashtë Shqipërisë vazhdon të mbetet një sfidë për vendimmarrjen politike.

Për momentin ende nuk ka një zgjidhje për këtë çështje, duke ngritur shumë pikëpyetje nëse shqiptarët që jetojnë jashtë vendit do të votojnë apo jo në zgjedhjet parlamentare të vitit 2025.

Deputeti i Partisë Socialiste, Lavdrim Krashi, shpjegoi në Rtsh se procesi duhet të ishte përmbushur deri tani me aktet nënligjore, që sipas tij Komisioni Qendror i Zgjedhjeve ende nuk i ka plotësuar.