OKB: Karvani i dytë, me 14 kamionë me ndihma ka hyrë në Gaza

@pixabay

Nënsekretari i përgjithshëm i Organizatës së Kombeve të Bashkuara për çështjet humanitare, Martin Griffiths ka njoftuar se karvani i dytë i kamionëve që transportonin ndihma humanitare në Gaza ka hyrë në enklavën palestineze.

Përmes një postimi në rrjetin social “Twitter”, ai ka shkruar se 14 kamionë kanë hyrë brenda, një ditë pasi 20 kamionët e parë të ndihmës kaluan kufirin Rafah midis Egjiptit dhe Gazës.

“Një tjetër fije e vogël shprese për miliona njerëz në nevojë të madhe për ndihmë humanitare”, ka shkruar ai, përcjell albinfo.ch.