Arsyeja e arrestimit të Isni Kilajt, flasin nga Gjykata Speciale

The capitals of the EU : The Hague

Nga Zyra e Prokurorit të Specializuar në Hagë kanë konfirmuar arrestimin e ish-kryetarit të Komunës së Malishevës, Isni Kilaj, teksa thuhet se është transferuar në Objektin e Paraburgimit të Dhomave të Specializuara të Kosovës në Hagë dhe do të dalë para Gjykatësit të Procedurës Paraprake “pa vonesa të panevojshme”.

Sipas arsyetimit të Speciales, Kilaj dyshohet për vepra penale kundër administrimit të drejtësisë, “përfshirë pengimin e personave zyrtarë në kryerjen e detyrave zyrtare brenda kuptimit të nenit 401 të Kodit Penal të Kosovës (KPK) të vitit 2019, Kodi nr. 06/L-074, dhe shkeljen e sekretit të procedurave sipas nenit 392 të KPK-së, dhe nenet 15(2) e 16(3) të Ligjit nr. 05/L-053 për Dhomat e Specializuara dhe Zyrën e Prokurorit të Specializuar”, përcjell albinfo.ch.

Në komunikatën për media, ndër të tjera, u tha se misioni i Bashkimit Evropian për Sundimin e Ligjit në Kosovë, EULEX dha mbështetje operative dhe logjistike për ZPS-në në pajtim me mandatin e vet dhe sipas legjislacionit të Kosovës, teksa edhe Policia e Kosovës dha mbështetje operative për ZPS-në.