Lorian Musa, i treti në turneun e karatesë në Çeki

Në turneun ndërkombëtar të karatesë që u zhvillua sot, më 05.11.2023, në qytetin Plzeñ të Republikës së Çekisë, djaloshi me prejardhje nga Mitrovica, Lorian Musa, zhvilloi disa ndeshje të jashtëzakonshme. Kështu, ai nuk la kundërshtarët e tij të shënojnë asnjë pikë kundër tij deri në gjysmëfinale ku Loriani lëndon këmbën…

Përkundër këshillimit nga ana e ekipit mjekësor që Loriani të ndërpresë lojën, ai vendosi të vazhdonte. Por, për pasojë, ulet energjia e sulmeve ndaj kundërshtarëve për shkak të lëndimeve të marra. Megjithatë, ai lufton me zemër sportisti në të gjitha ndeshjet,  duke arritur të radhitej i treti në këtë garë.

Në muajin dhjetor Loriani do të udhëtojë drejt kampionatit botëror në Venedik, Itali. Nga janari i vitit 2024 ai do të jetë pjesë e ekipit nacional zviceran të karatesë.

Djaloshi nga Mitrovica po shijon karrierë të ndritur në karate, që tani, në moshen 13-vjeçare. Betejat e tij drejt sukseseve vazhdojnë.