Finlanda mbyll katër pika kufitare me Rusinë

Kryeministri i Finlandës, Petteri Orpo, ka njoftuar se vendi do t’i mbyllë katër pika kufitare me Rusinë.

Ai ka njoftuar se katër pika kufitare në jug do të mbyllen nesër në mesnatë, ndërsa dy në veri do të qëndrojnë të hapura për aplikimet për azil, përcjell albinfo.ch.

Një vendim i tillë vjen pasi Finlanda ka parë një rritje të rasteve të kalimeve ilegale nga Rusia ditët e fundit, shumicën e rasteve nga qytetarë të shteteve të treta, teksa Orpo e ka akuzuar Rusinë se qëllimisht po i ndihmon njerëzit pa dokumente adekuate që të kalojnë kufirin me Finlandën, shkruan DW.

Orpo u shpreh se pikat kufitare Vaalimaa, Nijiamaa, Niirala dhe Imatra do të mbyllen ndërsa në këto pika në juglindje të vendit janë parë rritje të kalimeve ilegale nga qytetarët nga shtetet si Siria, Jemeni e Iraku.

Pikat kufitare në Salla dhe Vartius, në veri, do të mbesim të hapura për azilkërkuesit.