Belgjikë: Shqiptarja mahnit jurinë e “The Voice”, mes 4 mijë konkurrentëve, shkon në finale

Ariona Hamzallari ka mahnitur jurinë e “The Voice” në Belgjikë dhe në mesin e 4 mijë konkurrentëve ajo ka arritur të shkojë në finale të këtij konkursi të madh, përcjell albinfo.ch.

Ajo aktualisht ka arritur deri në finale të “The Voice Kids Belgium”, pra është në mesin e 8 më të mirëve.

Vokali i saj ka mahnitur spektatorët dhe jurinë, të cilët e kanë shijuar dhe i kanë dhënë meritat shqiptares Ariona Hamzallari. Ajo madje ka zgjedhur që të interpretojë këngën e një tjetër shqiptari shumë të suksesshëm, atë të Gjon’s Tears, “Tout l’univers”, këngë me të cilën Gjoni u prezantuan në Eurovision dhe zuri vendin e dytë.