Shqiperia
Shqipëria, vendi i 3-të në botë për diasporën më të madhe
Shqipëria është vendi i tretë në botë për diasporën më të madhe. Kryesisht në Itali, Greqi, Shtetet e Bashkuara të Amerikës, Gjermani, Kanada, Mbretërinë e Bashkuar e Belgjikë jetojnë e punojnë 1,7 milionë qytetarë. Megjithatë, çdo e keqe e ka edhe një anë pozitive nga pas.
Gjin Gjoka, nga Dhoma e Biznesit të Diasporës, u shpreh për A2 CNN: “Shumë emigrantë që nga Dukagjini, Shala, Shoshi, Malësia e madhe etj., që janë mbi 230 të tillë, që kanë jetuar e punuar jashtë për mbi 10-12 vjet, janë kthyer e kanë investuar, kryesisht në agro-turizëm”.
Përfitimet ekonomike të Shqipërisë nga diaspora shtrihen edhe në drejtime të tjera, te kapitali, dija, eksperienca, investimet e huaja, turizmi dhe mbi të gjitha, te paratë që sjellin për familjet në vendlindje. Për të kuptuar madhësinë e remitencave, mjafton të kujtojmë se vetëm në gjysmën e parë të vitit ato arritën në 444 milionë euro.
Adrian Civici, ekspert për ekonominë, thekson: “Duke pasur një diasporë, apo një emigracion mbi 30-vjeçare dhe më shumë, natyrisht nuk është më ai brezi i parë që vetëm dërgonte para dhe ishte në luftë për t’u integruar në vendet pritëse, por tashmë një pjesë e rëndësishme e remitancave po vijnë në formën e investimeve dhe bashkëpunimeve në Shqipëri”.
Të dhënat tregojnë se pjesa më e madhe e investimeve nga shqiptarë të diasporës, veçanërisht në pesë vitet e fundit, kanë shkuar në projekte në sektorë si agroturizmi, turizmi, bujqësia dhe shërbimet financiare.
Megjithatë, lidhja me origjinën, veçanërisht në drejtim të ekonomisë, vijon të pengohet kryesisht nga mungesa e të dhënave, mosnjohja e kapitalit të origjinës dhe mospasja e një strategjie funksionale për integrimin e diasporës me jetën socio-ekonomike të Shqipërisë.
Në vazhdën e lehtësimeve që duhen ofruar, për një ndër themeluesit e Dhomës Ekonomike të Diasporës, është edhe “amnistia fiskale”.
“Jemi duke lobuar ende. Kemi marrë zotimin e kryeministrit Edi Rama. Mendoj se është një detyrim që ua kemi emigrantëve shqiptarë”, tha Gjoka.
Sipas të dhënave të INSTAT, që pranohen edhe nga qeveria, arsyet kryesore që pengojnë rikthimin e emigrantëve janë mungesa e besimit tek institucionet shtetërore dhe korrupsioni e krimi i organizuar.
Diaspora, ashtu si edhe në samitin e fundit të saj që u mbajt në Tiranë, po cilësohet si “Arka e Noes” për ekonominë shqiptare, e cila po kalon ditë të mira, por në horizont nuk mungojnë rreziqet e shtuara.
E-Diaspora
-
Kam pak kohë që jetoj në Zvicër, si mund të aftësohem/shkollohem në Lausanne? Në kuadër të projekteve të shoqatës “Plurielles”, e cila si qëllim ka informimin dhe sensibilizimin e...
-
“Dardania” nga Winterthuri shkëlqen në festivalin “Hasi Jehon 2024”
-
Kaq mërgimtarë u regjistruan deri më 9 maj
-
Ambasada e Kosovës në Austri u bën thirrje mërgimtarëve që të regjistrohen
-
Heidi Heiz: Ndërtuese e urave në arsim – Nga asistentja, në menaxhimin e shkollës
Jeta në Zvicër
-
Kam pak kohë që jetoj në Zvicër, si mund të aftësohem/shkollohem në Lausanne? Në kuadër të projekteve të shoqatës “Plurielles”, e cila si qëllim ka informimin dhe sensibilizimin e...
-
Procedura 24 orëshe – 40 për qind më pak kërkesa për azil
-
Zvicër: Azilkërkuesit e mitur sulmojnë njëri-tjetrin me thika
-
Gjeneva do të votojë për ndalimin e simboleve të urrejtjes
-
Edhe 56-vjeçarët duan t’i bashkohen policisë së qytetit të Cyrihut