Tensionet mbeten të larta, trupat britanike patrullojnë kufirin Kosovë-Serbi

Foto FB: NATO Kosovo Force - KFOR

Trupat britanike po patrullojnë kufirin Kosovë-Serbi, në kuadër të një pranie paqeruajtëse të NATO-s që po forcohet mes shqetësimeve se ish-armiqësitë prej kohës së luftës mund të kthehen në konflikt të hapur, pas një serie incidentesh të dhunshme në muajt e fundit, shkruan Reuters.

NATO ka dërguar 1,000 trupa shtesë në rajon, duke e çuar praninë e saj në 4,500 paqeruajtës nga 27 vende, teksa ushtarët britanikë tani janë duke u vendosur në ndërrime 18-orëshe në kushte ngrirjeje për t’u siguruar që asnjë armë apo grup i armatosura të mos hyjnë në Kosovë, përcjell albinfo.ch.

“Aktualisht ne jemi këtu në një patrullë rutinore, e cila konsiston në kuptimin e modeleve të jetës, marrjen e inteligjencës për çdo aktivitet të paligjshëm ose të dyshimtë që më pas i kthehet KFOR-it (misioni i NATO-s) dhe më lart”, tha për Reuters togeri Joss Gaddie nga Ushtria Britanike në kufirin me Serbinë.