Festa e 28 Nëntorit në aeroportin e Tiranës, muzikë e këngë popullore

Festa e 111-vjetorit të Pavarësisë së Shqipërisë u ndje në çdo skaj të saj.

Kësaj feste nuk i ‘shpëtoi’ as aeroporti i Tiranës.

Kryeministri Edi Rama përcolli në rrjete sociale foto nga Aeroporti Ndërkombëtar i Tiranës, ku shihen turistë dhe udhëtarë në aeroport që i janë bashkuar festës me muzikë dhe këngë popullore aty, me rastin e kësaj dite të shënuar.

Me flamuj në duar, qytetarë të moshave të ndryshme, që vijnë nga vende të ndryshme të botës në Tiranë, i janë bashkuar festës kombëtare shqiptare.

“Festa vijon në Aeroportin Ndërkombëtar të Tiranës”, shkroi Rama.