Shqiperia
Rekord në Rinas, 7 milionë pasagjerë deri tani këtë vit
Fluksi i pasagjerëve në këtë aeroport u rrit me mbi 35%
Duke qenë se jemi në fundvit 2023, Aeroporti Ndërkombëtar i Tiranës ka regjistruar shifrën rekord prej 7 milionë pasagjerëve. Sipas Shefit Operacional të aeroportit, krahasuar me 2022, fluksi i pasagjerëve në Rinas është rritur me mbi 35%, përcjell albinfo.ch.
“Është arritje e madhe për Tiranën, arritje e madhe për industrinë e aviacionit shqiptar për përpunimin e 7 milionë pasagjerëve pa probleme falë edhe zgjerimit të kapaciteteve teknike dhe njerëzore. Ky nuk është fundi, por fillimi i suksesit tonë të përbashkët.
Krahasuar me vitin 2022 rritja e fluksit të pasagjerëve është mbi 35%, çka përbën një sukses të madh për këtë industri në Shqipëri. Ndërsa po të bëjmë krahasime me vitin 2019 para pandemisë, Aeroporti Ndërkombëtar i Tiranës rezulton të ketë rritjen më të madhe të fluksit të pasagjerëve në Europë me më shumë se 120%. Këto janë rezultate të jashtëzakonshme edhe falë kompanive low cost që i janë bashkuar tregut shqiptar”.
Edhe operatorët e kompanive low cost shprehen se tregu shqiptar është mjaft i përshtatshëm për investimet e tyre.
“Jemi shumë të lumtur që po zgjerohemi gjithnjë e më shumë në tregun shqiptar, pasi nga dhe drejt Tiranës kemi tashmë mbi 50 destinacione të ndryshme kudo nëpër Europë”.
Në prag të festave të fundvitit, Aeroporti Ndërkombëtar i Tiranës pritet të përballet me fluks të madh pasagjerësh si të shqiptarëve që kthehen për të festuar në atdhe, por edhe turistët e shumtë që zgjedhin për të vizituar Shqipërinë edhe gjatë kësaj periudhe të dimrit.
Të tjera nga Shqiperia
E-Diaspora
-
Puna në qiell të jep ndjenjën e paqes “Nuk ka asgjë më mirë se të mund të punoj në qiell. Kur kam kohë dhe...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Zvicër
-
Cyrihu, qyteti i tretë më pak tërheqës evropian, për të ardhurat nga qiraja e pronave Investitorit do t’i duhet të investojë 1.1 milion €, për të blerë një apartament me dy...
-
Zvicër: Lajmet kryesore të ditës së hënë
-
Çiklizmi në tren: Rezervimi i vendit nuk e zgjidh mungesën e hapësirës
-
Katër të vdekur në Alpet zvicerane gjatë fundjavës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”