Shqiperia
Gjermania mbështet marrëveshjen e Shqipërisë dhe Italisë lidhur me emigrantët
Pas Italisë, kërkesë edhe nga Gjermania, kryeministri i landit bavarez me Ramën: Një zgjidhje e tillë na ndihmon
Marrëveshja mes Shqipërisë dhe Italisë për emigrantët duket se është parë më interes të madh në Gjermani, e kjo u lexua qartë edhe në komentet e kryeministrit të Bavarisë, Markus Söder, i cili pohoi se e sheh atë si një model të mundshëm për Europën, përcjell albinfo.ch.
“Një zgjidhje e tillë vërtet mund të na ndihmojë”, qe deklarata e Söder gjatë vizitës së kryeministrit Edi Rama atje, i cili mori pjesë në një mbledhje të grupit parlamentar të Partisë Kristian-Sociale, CSU, të mbajtur në manastirin Banz. Madje, sipas kreut të ekzekutivit bavarez, modeli shqiptaro-italian është edhe më bindës sesa ai britanik që parashikon dërgimin e refugjatëve në Ruanda.
Deklaratë kjo që tregon interes të afërt për një marrëveshje tjetër me Shqipërinë.
Kryeministri Rama nënshkroi këtë vjeshtë me kryeministren italiane, Giorgia Meloni, një ujdi për ngritjen e dy kampeve të emigrantëve në tokën shqiptare. Qëllimi është të frenohet emigracioni i paligjshëm përmes Detit Mesdhe drejt Italisë, e rrjedhimisht edhe drejt vendeve të tjera të bllokut europian. Edhe pse në të dyja vendet, zëra, sidomos opozitarë kanë ngritur dyshime nëse kjo marrëveshje është e realizueshme ligjërisht, në muajin nëntor zyrtarja më e lartë e BE-së për emigracionin, komisionarja Ylva Johansson e pohoi qartazi se pakti që i mundëson Italisë të ndërtojë qendra të pranimit në Shqipëri për mijëra emigrantë të shpëtuar në Mesdhe nuk e shkel ligjin e Bashkimit Europian.
“Vlerësimi fillestar i shërbimit tonë ligjor është se marrëveshja Shqipëri-Itali është në fakt jashtë ligjit të BE-së, e normalisht nuk e shkel atë”, u shpreh ajo, në një deklaratë që nënkupton se për pasojë, ujdia nuk ka përse të dërgohet për shqyrtim para Gjykatës së Drejtësisë të BE-së.
Të tjera nga Shqiperia
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Çiklizmi në tren: Rezervimi i vendit nuk e zgjidh mungesën e hapësirës Në vitin 2021 CFF i bëri të detyrueshme rezervimet për transportin e biçikletave në trenat Intercity,...
-
Katër të vdekur në Alpet zvicerane gjatë fundjavës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova