Shqiperia
Përfitojnë rreth 500 mijë shqiptarë nga marrëveshja mes Shqipërisë dhe Italisë për pensionet
Çfarë përmban marrëveshja mes Shqipërisë dhe Italisë për pensionet
Shqipëria dhe Italia kanë firmosur këtë të martë marrëveshjen e pensioneve mes dy vendeve. Kanë qenë ministrat e Jashtëm Igli Hasani dhe Antonio Tajani, të cilët kanë nënshkruar marrëveshjen në Romë, transmeton albinfo.ch.
Ka qenë kryeministri i vendit Edi Rama ai i cili ka ndarë në rrjetin social facebook pamjet nga momenti i finalizimit të marrëveshjes.
Kreu i qeverisë shkruan se me njohjen e Sigurimeve Shoqërore mes dy vendeve, janë mbi gjysmë milionë emigrantë shqiptarë në Itali të cilët do të përfitojnë.
“Nënshkrimi i Marrëveshjes për Sigurimet Shoqërore mes Shqipërisë dhe Italisë, një arritje e shumëpritur për mbi 500 mijë shqiptarë në vendin e dashur fqinj, falë një përpjekjeje këmbëngulëse prej thuajse një dekade, në kërkim të këtij rezultati që dukej i pamundur për vetë peshën financiare të një marrëveshjeje të tillë”, shkroi Rama.
Por çfarë mundëson konkretisht marrëveshja mes Shqipërisë dhe Italisë?
Një nga përfitimet kryesore është bashkimi i periudhave kontributive: Periudhat e sigurimit të plotësuara sipas legjislacionit të secilit shtet, të cilat grumbullohen dhe bashkohen me periudhat e sigurimit, me kusht që ato të mos mbivendosen. Pra, shqiptarëve që jetojnë në Itali do t’u njihen kontributet në vendin tonë dhe atë italian, për një pension të përbashkët.
Po ashtu, kjo marrëveshje mundëson trajtimin e posaçëm të punonjësve të vetëpunësuar (artizanë, tregtarë, fermerë të drejtpërdrejtë) dhe trajtimin e veçantë sipas sigurimit të përgjithshëm të detyrueshëm.
Shqipëria ka 16 marrëveshje të nënshkruara për Mbrojtjen Sociale: Austri, Belgjikë, Çeki, Gjermani, Hungari, Kanada, Kosovë, Luksemburg, Maqedoni e Veriut, Mali i Zi, Rumani, Turqi, Zvicër, Bullgari, Kroaci, Itali.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Zvicër
-
Buxheti i mbrojtjes i propozuar prej 15 miliardë franga, pritet të dështojë Një rritje e propozuar prej 15 miliardë frangash për buxhetin e mbrojtjes nuk ka gjasa të...
-
Shtatë gjëra që shtetasit jo-BE duhet t’i dinë rreth zhvendosjes në Zvicër
-
Cyrihu, qyteti i tretë më pak tërheqës evropian, për të ardhurat nga qiraja e pronave
-
Zvicër: Lajmet kryesore të ditës së hënë
-
Çiklizmi në tren: Rezervimi i vendit nuk e zgjidh mungesën e hapësirës