Refugjatja e revoltuar kosovare kafshon dy policë gjermanë

Gjatë marrjes në pyetje, një grua 43 vjeçe papritur ka filluar të bëjë rezistencë dhe ka kafshuar në dorë një polic dhe një police

Në vlugun e migrimit ilegal të kosovarëve në Gjermani, policia e këtij vendi ka shpeshtuar kontrollimet në zona kufitare, si në autostrada, në trenat që vijnë nga jashtë etj. Në një kontrollim të tillë rutinor në një tren në afërsi të Passau-t Policia Federale ka hasur në 21 persona nga Kosova pa leje qëndrimi dhe pa viza për në Gjermani.

Komunikata policore thotë se ata kanë pasur me vete vetëm lejet kosovare të njoftimit nga.

Për shkak të dyshimit për hyrje pa leje në Gjermani, refugjatët kosovarë janë dërguar në stacionin policor në Passau. Por, gjatë marrjes në pyetje, një grua 43 vjeçe papritur ka filluar të bëjë rezistencë dhe madje ka kafshuar në dorë një polic dhe një police.

Të dy zyrtarët u desh të merrnin trajtim mjekësor. Policët nuk kanë ndonjë shpjegim për arsyen e revoltimit kaq të madh të kosovares, shrkuan Landauer Zeitung.