Tematike
Këto janë shkeljet për të cilat një i huaj mund të dëbohet nga Zvicra
Në parim, një dëbim i detyrueshëm nga vendi mund të vendoset për një periudhë prej pesë deri në maksimum 15 vjet
Ekzistojnë shkelje të ndryshme për të cilat të huajt, bazuar në ligj, mund të dëbohen nga Zvicra, siç ekzistojnë edhe përjashtime.
Në parim, një dëbim i detyrueshëm nga vendi mund të vendoset për një periudhë prej pesë deri në maksimum 15 vjet. Kohëzgjatja e periudhës së dëbimit vendoset nga gjykatat pavarësisht nga masa e dënimit për krimin e kryer, transmeton albinfo.ch. Në një artikull të shkruar enkas, gazeta Blick sqaron se në cilat raste të huajve u hiqet leja e Qëndrimit të Përhershëm (Viza C).
Deliktet që ndiqen nga pozita zyrtare
Këtu hyjnë: të gjitha llojet e vrasjeve, vetëvrasja e asistuar, zjarrvënia. Po kështu edhe ëndimet e rënda trupore dhe gjymtimi mund të çojnë në dëbim. Vjedhja, mashtrimi dhe shkelja, si dhe abuzimi me kartën e kreditit, mund të rezultojnë gjithashtu në tërheqjen e lejes suaj të qëndrimit të përhershëm.
Deliktet në trafik
Ajo që mund të tingëllojë e çuditshme, por mund të përfundojë shumë keq, është pengimi i transportit publik – edhe veprat si kjo ndëshkohen me heqjen e lejes së përhershme të qëndrimit
Përhapja e sëmundjeve
Kushdo që ndot ujin e pijshëm ose përhap sëmundje, mund të dënohet me heqjen e Vizës C.
Rrezatimi jonizues
Rreziku nga energjia bërthamore, radioaktiviteti dhe rrezatimi jonizues, dëmtimi i qëllimshëm i sistemeve elektrike, strukturave hidraulike dhe pajisjeve mbrojtëse – të gjitha këto “flasin” në gjykatë në favor të dëbimit nga vendi, transmeton albinfo.ch. Si kriter llogariten edhe përmbytjet dhe shembjet që shkaktohen qëllimisht.
Trafikimi i qenieve njerëzore
Të gjitha aktet seksuale që kryhen pa pëlqimin e partnerit seksual, si dhe nxitja e prostitucionit dhe akteve seksuale me fëmijë janë arsye për dëbim nga vendi. Martesa e detyruar, trafikimi i qenieve njerëzore, rrëmbimi dhe pengmarrja konsiderohen gjithashtu arsye për dëbim.
Terrorizmi dhe krimet e luftës
Gjithashtu shkak për dëbim është pjesëmarrja në organizata terroriste apo kriminale. Dëbimi gjithashtu pason krimet kundër njerëzimit, gjenocidin dhe krimet e luftës.
Rastet me rrethana lehtësuese
Në parim, dëbimi nga vendi shmanget vetëm “nëse kjo do të shkaktonte vështirësi serioze personale për të huajin” – për shembull për njerëzit që kanë lindur dhe janë rritur në Zvicër.
Vetëmbrojtja mund të konsiderohet gjithashtu një arsye për të shmangur dëbimin, përcjell albinfo.ch. Për të gjitha krimet e tjera mund të urdhërohet një dëbim jo i detyrueshëm nga vendi.
Të ngjashme
Të tjera nga Tematike
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Forumi i Gjenevës bashkoi një numër të madh ndërmarrësish shqiptarë e zviceranë Forumi shqiptaro-zviceran (Real Estate, investime dhe financa), i mbajtur të premten (19.04.2024) në Centre de l’Espérance/8...
-
Qeveria planifikon ndihma për banim edhe për pensionistët e invaliditetit
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas