Ambasadori Malaj në pritjen tradicionale te presidentja Sommaruga

Malaj ka falënderuar Presidenten Sommaruga për angazhimin dhe ndihmën e dhënë nga vendi i saj në të gjitha periudhat për Kosovën

Me rastin e ceremonisë së paraqitjes së urimeve për vitin e ri, Presidentja e Konfederatës Helvetike Simonetta Sommaruga dhe Shefi i Departamentit të Punëve të Jashtme Didier Burkhalter kanë pritur trupin diplomatik të akredituar në Zvicër , kryesisht në Bernë dhe Gjenevë.

Siç bëhet e ditur nga një komunikatë e dërguar nga Ambasada e Kosovës në Bernë, me këtë rast ambasadori Malaj ka falënderuar Presidenten Sommaruga për angazhimin dhe ndihmën e dhënë nga vendi i saj në të gjitha periudhat për Kosovën. Një falënderim të tillë i ka shprehur ambasadori Malaj edhe Z. Burkhalter për angazhimin e tij si kryesues i OSBE-së.

Gjatë kësaj ceremonie ambasadori Malaj, i shoqëruar nga Minsitri-Këshilltar Mustafë Xhemajli  ka zhvillluar biseda me disa ambasadorë e në veçanti me ambasadorin e Vatikanit, Malit të Zi, Kamerunit, Izraelit, Holandës, Letonisë.

Me rastin e kësaj ceremonie, Presidentja  Simonetta Sommaruga dhe ambasadori i Vatikanit Diego Causero, para diplomatëve  kanë mbajtur një fjalë rasti.