Shqiptarja e lindur në Zvicër përfaqëson Kosovën në “Miss Universe 2015”

Sonte në mbrëmje në Miami në Amerikë mbahet “Miss Univerese 2015”, e cila pritet të transmetohet në shumë televizione botërore. Shqiptarja e lindur në Zvicër, Artnesa Krasniqi do të përfaqësojë Kosovën në “Miss Univerese 2015”

88 bukuroshe nga gjithë bota kërkojnë sonte të stolisen me kurorën e më të bukurës së botës. Kosova këtë vit, përfaqësohet nga bukuroshja gjakovare, Artnesa Krasniqi. 22 vjeçarja Krasniqi është e lindur në Biel të Zvicrës, por prej disa vitesh ajo së bashku më prindërit e saj është kthyer për të jetuar në Kosovë.

Sonte përveç publikut të Kosovës, Artnesa do të ketë sado pak edhe përkrahjen e publikut dhe medieve zvicerane duke e konsideruar edhe atë si pjesë të sajën. Bukuroshja shqiptare që ka fituar shumë çmime në spektakle bukurie prej muajsh është duke qëndruar në Amerikë, ku pos përgatittjeve për finale, ka bërë edhe foto të shumta nga Fadil Berisha, i cili është edhe fotograf zyrtar i këtij spektakli.

“Jam person shumë kurreshtar, mundohem që diçka që e dua në jetën time, t’a arrij. Nuk dorëzohem, dhe mundohem të luftoj deri në fund që të arrij synimet e mia”, ka thënë Artnesa në prezantimin e saj që e ka bërë për spektaklin “Miss Univerese”.

Evenimenti i bukurisë i cili konsiderohet si më i madhi në botë, do të zhvillohet sonte nga ora 19, ndërsa sipas kohës evropiane rreth orës 02-03 pas mesnatës. Ndërkohë, Shqipëria këtë vit do të përfaqësohet nga  Zhaneta Byberi. Bukuroshet shqiptare kanë bërë thirrje që të përcjellin këtë spektakël dhe të mbështesin pjesëmarrjen e tyre. Sipas mediave të huaja Artnesa llogaritet të jetë pjesë e 10-të finalisteve të këtij spektakli.